Ljúft flæði bragðanna
Máltíðin er órjúfanlegur hluti af upplifuninni í Laugarás Lagoon. Á Ylju fylgja réttirnir árstíðunum og hráefnið kemur úr nærumhverfinu: grænmeti úr gróðurhúsunum í kring, fiskmeti og landbúnaðarvörur úr héraði. Þannig tengir hver máltíð gesti við staðinn, árstíðina og menninguna.
Gísli Matt skapar nýja upplifun á Ylju
Gísli Matthías Auðunsson, betur þekktur sem Gísli Matt, er einn af fremstu matreiðslumönnum landsins og maðurinn á bak við veitingastaðinn Slippinn í Vestmannaeyjum. Nú leiðir hann eldhúsið á Ylju, þar sem hann sameinar nútímalegar aðferðir og brögð við klassískt íslenskt hráefni og matarhefðir.
Yljandi jól
Frá 19. nóvember – 3. janúar tekur Ylja á móti jólunum með hátíðlegum seðli að hætti Gísla Matt. Þar mætast íslenskar jólahefðir og hráefni úr nærumhverfinu í matargerð þar sem krydd, ilmur og hlýja jólanna fá að njóta sín.
Komdu saman með fjölskyldu, vinum eða samstarfsfólki og njóttu góðrar stundar við hátíðlegt borð í Laugarási.
Dagseðill
Tveggja rétta dagseðill, fullkominn fyrir gesti sem eru á ferðinni yfir daginn.
Brönsseðill
Gerðu meira úr helginni með bröns á Ylju. Brönsplattinn okkar sameinar úrval rétta úr hráefni úr nærumhverfinu, útbúið að hætti Gísla Matt. Í boði alla laugardaga og sunnudaga.
Kvöldseðill
Gestir geta átt von á úrvali sjávarrétta, kjötrétta og grænmetisrétta. Hægt er að para matinn með vel völdum vínum.
Hópaseðill
Hópamatseðlar fyrir 10 manns eða fleiri má finna hér. Bóka þarf með að minnsta kosti 24 klukkustunda fyrirvara og verð miðast við að allur hópurinn velji sama matseðil.
Samvinna við samfélagið í Laugarási
Við leggjum áherslu á náið samstarf við þorpið Laugarás. Veitingastaðurinn Ylja er stoltur af því að fá hráefni frá gróðurhúsum og býlum nágranna okkar því þannig fá gestir innsýn í ekta, staðbundna upplifun sem á rætur í náttúru og nærumhverfi.
Einkarými til leigu
Innan um kyrrláta stemningu á veitingastaðnum Ylju bjóðum við upp á hlýlegt og fallega hannað rými milli lónsins og veitingastaðarins fyrir ýmis tilefni. Hvort sem um er að ræða matarupplifun fyrir hópa, fundi eða móttöku er rýmið sveigjanlegt og hægt að aðlaga það tilefninu. Þráðlaust net og skjávarpi eru á staðnum.
Gerðu meira úr heimsókninni með Ösp
Bókaðu heildarupplifun á betra verði. Byrjaðu á slökun í heitu lóninu með drykk í hönd og færðu þig svo yfir á Ylju í tveggja rétta máltíð af dagseðli Gísla Matt. Með Ösp færðu allt sem þarf fyrir fullkominn dag í Laugarási.
Gjafakort á Ylju
Ösp fyrir tvo
Lónið og tveggja rétta máltíð á Ylju fyrir tvo.
Umhverfis Laugarás fyrir tvo
Fimm rétta grænmetisseðill fyrir tvo af kvöldmatseðli Ylju.
Íslensk veisla fyrir tvo
Fimm rétta máltíð fyrir tvo af kvöldmatseðli Ylju.
Leiðin til okkar
- Keflavíkurflugvöllur — Laugarás Lagoon
- 120 mínútur
- Reykjavík — Laugarás Lagoon
- 80 mínútur
- Geysir — Laugarás Lagoon
- 27 mínútur
- Gullfoss — Laugarás Lagoon
- 39 mínútur
